كيف احول شكل المدونة من شكلها التقليدي الى شكل احترافي

مش هقول شكل احترافي يشبة الموقع لان المدونة هي اصلا موقع لكنة تابع لشركة بس هو هو نفس لغة البرمجه وكل شيئ بيحصل في تطويره مع الخضوع لشروط الشركة اللي سمحت لينا بانشاء مدونة مجانيه عليها
الطريقة الاولى :

◄ باستخدام اوامر HTML من اسهل لغات برمجة تصميم المواقع هذه لا اتكلم فيها الان .. دارسين هذه اللغه ممكن يستخدموها ومش موضوعي اني اشرحها واللي عاوز يدرسها ممكن اوي يبحث عن كورسات فيها ويتعلمها

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الطريقة الثانيه :

◄ افتح بلوجر ثم من السهم اختارالقوالب :

◄ هتلاقي اشكال مختلفه من القوالب اختار اللي عاوزوه :

الطريقة الثالثه :

◄ اضغط على كلمة تخصيص علشان تتحكم في القالب وتختار الوانه وممكن تختار الخلفيه صورة من جهازك :

الاختيارات كلها واضحه اختار اللي عاوزه بعد كدا اضغط على تطبيق على المدونة
مثلا : كيف تجعل خلفية المدونة صورة من جهازك ؟
اتبع الخطوات الاتيه : ↓↓↓

كل الاختيارات المتاحه من جوجل واضحه الا اختيار الصورة من الجهاز وجعل الخلفيه شفافه علشان كدا حبيت اوضحها
ولو كانت الصورة كبيره مش هتيجي مكرره كدا كل ما تختار الصورة اكبر ودقتها اعلى بيكون افضل


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الطريقة الرابعه :

◄ نزل نموذج من النماذج الموجوده على الانترنت اللي عملها ناس متخصصين في لغات البرمجه ونشروها وهي كتير جدا موجوده على الانترنت فيه منها مجاني وفيه منها بتكلفه بسيطه

خلينا ناخد مثال :
اولا افتح جوجل بحث العادي واكتب : قوالب بلوجر Blogger Templates ثم اضغط Enter

هتلاقي مواقع كتير ظهرت بتعرض ليك اشكال مختلفة من النماذج :

انا مثلا هفتح اول موقع واختار منه لقيت ظهر اشكال كتير :

اضغط على الشكل اللي يعجبني اختارت هذا :

تحت النموذج بيسألني
Demo ( يعني معاينه قبل التحميل ) ولا Download ( تحميل النموذج )
انا قلتله Download ففتح الصفحه هذه فحملته منها عادي زي اي ملف :

بعد كدا فتحت my computer ثم C ثم download لقيت ال folder اللي عاوزه اخد منه file معين امتدادة xml يعني اخر ثلاث حروف فيه .xml هو دا اللي محتاجه انزله على بلوجر :

خدتة Copy ونقلتة في Folder تاني لوحده بحيث يكون سهل اوصله لانه بينزل في ملف مضغوط وممكن يكون معاه ملفات تانيه انا محتاجه ملف واحد فيه اللي هو امتداده xml هفك ضغط واخد الملف اللي عاوزاه كوبي واخليه في سطح المكتب مثلا او اي مكان بحيث اوصله بسرعه

افتح بلوجر ثم القوالب ثم اضغط على نسخ احتياطي / استعادة :

اضغط على تحميل ملف واختار الملف xml من جهازك ثم اضغط على تحميل :

هتلاقي Template ظهر اضغط على عرض المدونة علشان تشوف التغيرات اللي حصلت :

هتلاقي المدونة شكلها اتغير وفعلا القالب اللي اختارتة نجح واتحمل :

ان شاء الله في الدروس القادمه هنتعلم ازاي نغير في القالب نفسه في الصور والروابط والتبويبات علشان نغير في شكل وتصميم المدونة حتى لو مكناش بنعرف في الاكواد كل الموضوع نسخ ولصق حتى تصبح المدونة افضل ما يكون

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


نصيحه حول الطريقة الرابعه ( اهم طريقة ) :

◄ عندما تختار Template من النماذج الموجوده على الانترنت :
سعات تلاقي صاحبه كاتب على النموذج رمز W وسعات B وسعات J وسعات مش كاتب اي رموز
لو w معناها انها مش هتنفع مع بلوجر انما هي لووردبريس ( مدونة مجانيه اخرى يدعمها موقع تاني مش جوجل ) ولو كاتب رمز J معناها انها لجمله ( موقع Joomla يتيح انشاء مدونات مجانيه ايضا )

يعني لو لقيت رموز يبقى ركز مع اللي عليه B

وسعات تجد المدونة لبلوجر وكله تمام وفي الاخر مش يرضى يحمل على مدونتك عادي جرب حاجه تاني لان دا كله اجتهادات شخصيه ممكن يكون حد نيته غريبه انه عاوز الناس تزور موقعه وخلاص فبيكتب اكتر الكلمات المشهورة على الانترنت ويعمل شغل وهمي علشان يعمل بيها دعايه لمدونتة وفي الاخر تدخل وتنزل القالب وتبحث عن xml مش تلاقيه عادي يبقى جرب قالب تاني يكون صاحبه صادق والاحتمالات كتير مش موضوع قلة الصدق بس ممكن يكون القالب موجود لكن صحبة عملة تعديل ومرجعش ايه الاخبار بعد التعديل ونيتة سليمه يكون حصل خطأ مش مقصود المهم تعرف ان دا كله اجتهادات اهل البرمجه بيقربو لينا الحلول لو كنا متخصصين مكناش هنحتاج للبحث الا نادر


او اتأكد ممكن تكون انت حملت حاجه تانيه 

وسعات بعد ما تنزل ال Template تلاقي فيها ملفين امتداهم هم الاتنين xml فتحتار تاخد اي واحد فيهم ؟!

لو لقيت ملفين xml اعرف ان فيه واحد sidebar يعني فيه صور بتتحرك في اعلى الصفحه شرائح
والملف التاني xml هتلاقي مكتوب جمبه ( without sidebar ) يعني مش فيه صور وهو هو نفس التصميم لكن بدون عرض شرائح للصور


طيب تعمل ايه لو عجبك شكل قالب وفيه صور مش بتخدم محتوى مدونتك ؟!
عادي نزله وتابع معي الدروس القادمه حتى تعرف كيف تغير الصور وكيف تغير ال title , text اللي بيكون مكتوب عليها وازاي تفعل الروابط بتاعتهم !



ولو كان فيه صور مسيئه والقالب عجبك ممكن تنزله في مدونة خاصه انت بس اللي تشوفها وبعد ما تغير الصور وتعدل فيه زي ما تحب تنزله على جهازك كأنه قالب جديد انت اللي صممته وترفعة تاني على المدونة الاصليه



طيب تعمل ايه لو حبيت تحصل على نموذج جاهز من الانترنت فيه ميزة الصور المتحركه اللي بتكون في الاعلى مثل : هذه المدونة
الحل انك تكتب في شريط البحث : Free Blogger Templates sidebar


استحملوني هذا اول درس الكتابه تكون كتير فيه بحاول اختصر بس فيه توضيحات كتير عاوزه اقولكم عليها لانها مهمه